حكايه اسطوريه لقصه حب جنونيه وخيانه غير عاديه

هى زميلتى فى الشغل ... شغل غريب فعلا .... انفتاح غير عادى فى التصرفات والافعال ... انا شخص محافظ اصلا ... وكل الى حواليا بيعملوا حجات غريبه ... انا قادر اعمل دا بي مش عاوز ... حسيت فيها بحاجة نضيفة من جوا ... فى بذرة كويسه جواها .. كانت بتبان انها احسن من كل الى حواليا .. كانت بتبان جدعه اوى .. يعنى ممكن تكون فى ضهرك زى الراجل وتشيلك لو وقعت .

معرفش لية كل الى حوالينا بقوا يعاملونا زى اتنين مرتبطين ... انا مكنتش بفكر فيها ... بس كلام الناس ليا على ان فى حاجة ما بينا خلانى بجد افكر ... هو فى اية ما بينا .. احنا بنعمل مع بعض حجات غريبة بجد .

انا كنت جنمبها بنصحها ... بلاش تقفى هنا ... بلاش تكلمى دا .. دا مش كويس عشانك .. على فكرة الولاد بيكلموا عن النقطه دى... دا مش منظر كويس لما تعملى كذا ... كانت بتسمع واحيانا تنفذ .

انا ابتديت اقرب ليها ... قلتلها بحبك ... بكت ... وقالتلى انا مش عازوة ارتبط ... وبين جذب وشد .. وفى عيد ميلاد احد اصدقائنا ... مسكت ايدها وفى لحظه غريبه قلتلها مش كفاي بقى كدا انا بحبك ..
لاقيت استجابه فظيعه ... وقالتلى وانا كمان مش بعمل الى انا بعمله دا مع اى حد .. انت شخص مميز جدا بالنسبة ليا
انا مش لاقية اى مبرر للى بعمله معاك دا غير انى اكون بحبك!

مشينا سوا

ارتبطنا

كنا فى الشغل ... وبعد الشغل فى التليفون ... وبعدين ننام .. ونصحى ننزل نخرج سوا

وفجأه .. وبعد شهر بالظبط ... اكتشفت ان فى مكالمات غريبة جدا بتجيلها !!!
انا كنت واضح جدا .. انا قلت احنا مرتبطين ومينفعش يكون فى مكالمات زى دى وخاصا مكالمات بعد الساعه اتناشر بليل

مفيش حاجة اتغيرت


كنت صارم جدا

وقعدت معاها .. ووحت ليها انى اتكلمت مرة فى الموضوع دا قبل كدا .. وان الموضوع منتهاش .. يبقى يانا يا الموضوع دا .. وانتى شوفى بقى هتعملى ايه وردى عليا
قالت انت عندك حق ودا مش هيتكرر تانى


واتكرر تانى
واكتشفت انها بتكلم الانسان الى كانت مرتبطه بيه قبليا !!!!!!!!!!!!
مفاجاه بالنسبة ليا
غريبه جدا
قلتلها انا مش عاوزك
وكانت بتبكى
قعدت تلت ايام تبكى
وتقولى ادينى فرصه تانيه
وبعد كلام كتير وكلام كتير
اديتلها فرصة تانيه
وبانلى انها قطعت علاقتها دى

وبعدها صارحتنى وقالتلى انها كانت بتكلم فلان وفلان وفلان وان دول اصحابها مش اكتر

كانت كدابه اوى اوى اوى

مشيت معاها تانى
وتانى تصرفاتها مكنتش بتعجبنى .. نبهت .. وضحت .. اقنعت .. اتكلمت براحه .. زعقت ... مفيش فايدة
وهى عارفة كويس ان الى بتعمله غلط .. لكن مبطلتش
واتكرر تانى انى لاقيتها بتكلم حد تانى..
لما نتخانق ترجع تكلم كل دول تانى .
وتنزل تقعد على كافيهات ... وتخرج مع دا ودا ودا...
وكل مرة اديها فرصه تانيه قبل متطلب اصلا..
وفجاه
وفى مرة كنا متخانقين
اكتشفت انها مستنيه واحد قدام الشركه
وخدها ومشيوا
انا اتجننت
مع العلم انى اصلا غيور جدا
مقدرتش اتصلت بيها
مين الى معاكى
قالتلى ابن عمى
مصدقتش لانها اصلا كدابه
وقلت لازم ارجعلها
مش هقدر
ورجعت.........
وبعد كام يوم ... كنا عندى فى مكتبى ... وفجاه قلتلها انتى وحشتنى ... وفجاها لاقيتها فى حضنى ..
والامور اتطورت بسرعه جدا ... اربع ساعات مع بعض .. فى حضن بعض ...
بعد دا محصل انا تاكدت انى لايمكن اتجوز دى
بس انا بحبها
بجد انا بحبها اوى
لية مش عارف
بس بحبها وخلاص
مفيهاش اى حاجة كويسه
خلاص خلينى معاها
وفى الاخر انا مش هتجوزها
بصراحه مكنتش قد الفراق
مشكتش لحظه انها ممكن تكون مبتحبنيش
مش معقولة واحدة هتقبل تعمل كدا الا لما تكون بتحبنى
!!!!!!!!!!!!!!!!!!
وتانى بقينا سوا
وتانى استمرت تخون
تانى تليفونات
تانى بتكلم اى حد
وقدامى
وتكدب
وتقولى دى اختى
وامسك التليفون
والاقى اسماء نفس الاشخاص
تانننننننننننننننننننننننننننننننننننننننننننننننن ننننى؟
خلاص بقى
كلمتها بليل على الموبايل
اية الى انتى بتعمليه دا
وبعد كلام وكلام وكلام
اكتشفت انها مش اول مرة!!!!
دى نامت قبل كدا مع حبيبها الاولانى
صدمه
صدمه صعبه اوى
انا مش عاوز اتجوزها
بس انا مكنتش افتكر ان فى حد كدا
والاغرب
فى الاخر عرضت عليها الموضوع بتاعنا من اوله لاخرة
وقلتلها انا عملت عشانك كذا وكذا ..
انتى مبتحبنيش
وكانت اجابتها ببساطه
انا حاولت احبك
واحيانا كنت بحس انى بحبك
لكن تقريبا انا كدا مبحبكش
لان الى كنت مرتبطه بيه قبل كدا لما كنت اشوف حاجة بتضايقة فى عنيه انا كنت بعملة الى هو عاوزة
فخلاص انا تقريبا معرفتش احبك


انا بسال هو فى حد كدا ؟؟
فى بنى ادمين كدا فى الدنيا ؟؟؟
طب انا اعمل ايه دلوقتى
هى كل يوم قدامى فى الشغل
ولا فارق معها اى حاجة
بتضحك
وتخرج
وتهزر
ولا كان اى حاجة حصلت
عادى جدا
انا مش عارف انام ولا اكل
تعبان وبموت
وهى ولا فارق معاها
خلاص بجد مش عارف اعمل ايه
حد يقولى اعمل ايه بقى انا زهقت من نفسى وقرفت من الدنيا كلهاكلها
المصدر: منتديات عيني عينك - من قسم: قسم الاستشارات النفسية والعاطفية النسائية